ТУРИЗМ ТЎҒРИСИДАГИ ҚОНУНЧИЛИКНИНГ ШАКЛЛАНИШИ ВА РИВОЖЛАНИШ БОСҚИЧЛАРИ

Бугунги кунда туризм жаҳон иқтисодиётининг стратегик тармоқларидан бирига айланиб, унинг барқарор ривожланиши бевосита мустаҳкам ҳуқуқий базага таянади. Ўзбекистонда туризм соҳасини либераллаштириш ва норматив-ҳуқуқий ҳужжатларни халқаро стандартларга мослаштириш жараёнлари жадал кечаётган бир вақтда, туризм ҳуқуқининг тарихий-ҳуқуқий илдизларини, меҳмондостлик институтининг эволюциясини илмий-назарий жиҳатдан тадқиқ этиш долзарб аҳамият касб этади. Мақоланинг асосий мақсади қадимги жамиятлардаги урф-одат ва хушмуомалалик белгиси бўлган "меҳмондостлик" тушунчасининг аниқ ҳуқуқий мажбурият ва хавфсизлик кафолати шаклига ўтиш жараёнини, шунингдек, Ўзбекистон миллий туризм қонунчилигининг шаклланиш ва ривожланиш босқичларини хронологик изчилликда очиб беришдан иборат.