BOSHLANG'ICH SINF O'QUVCHILARINING OG'ZAKI NUTQINI RIVOJLANTIRISHDA TEATR ELEMENTLARIDAN FOYDALANISH

Mazkur maqolada boshlang‘ich sinf o‘quvchilarining og‘zaki nutqini rivojlantirishda dramatizatsiya va teatr elementlaridan foydalanishning samaradorligi tahlil etilgan. Tadqiqotda teatr metodlarining og‘zaki nutqni shakllantirishga qanday ta’sir ko‘rsatishi, bu jarayonda o‘qituvchining ijodiy yondashuvi va o‘quvchilarning nutqiy faolligi qanday oshishi ilmiy-nazariy va amaliy asosda yoritilgan. Shuningdek, teatr elementlarining dars jarayoniga joriy etilishi orqali o‘quvchilarning so‘z boyligi, talaffuzi, gap tuzish malakalari va sahnaviy ifoda vositalaridan foydalanish ko‘nikmalarini shakllantirish imkoniyatlari ochib berilgan. Maqolada xorijiy va mahalliy tajribalar, real amaliy mashg‘ulotlar natijalari, eksperimental kuzatuvlar asosida fikr yuritiladi.