TRANSPORT SOHASIDA SUN'IY INTELLEKT ASOSIDAGI INSON RESURSLARINI BOSHQARISH TIZIMLARINING NAZARIY ASOSLARI VA RIVOJLANISH TENDENSIYALARI

Mazkur tezis transport sohasida Sun’iy intellekt asosidagi inson resurslarini boshqarish tizimlarining nazariy asoslari va rivojlanish tendensiyalarini o‘rganishga bag‘ishlangan. Tadqiqotda zamonaviy raqamli texnologiyalar, xususan sun’iy intellektning transport tizimida inson resurslarini boshqarish jarayonlariga ta’siri tahlil qilinadi. SI asosidagi tizimlarning xodimlarni tanlash, monitoring qilish, ish yuklamasini muvozanatlashtirish va boshqaruv qarorlarini optimallashtirishdagi roli asoslab berilgan. Shuningdek, tezisda an’anaviy va sun’iy intellekt asosidagi boshqaruv tizimlari o‘rtasidagi farqlar ko‘rsatilib, ularning samaradorligi qiyosiy tahlil qilinadi. Tadqiqot natijalariga ko‘ra, SI texnologiyalarini joriy etish transport sohasida boshqaruv samaradorligini oshirish, inson omiliga bog‘liq xatoliklarni kamaytirish va resurslardan oqilona foydalanishni ta’minlashga xizmat qiladi. Kelgusida ushbu yo‘nalishda innovatsion yondashuvlarni keng joriy etish muhim ahamiyat kasb etadi.