СУРУНКАЛИ ПАРОДОНТИТ ФОНИДА ПУЛЬПА ШИКАСТЛАНИШЛАРИНИ КОМПЛЕКС ЭНДОДОНТИК ДАВОЛАШ САМАРАДОРЛИГИ
收藏资源简介：
Сурункали пародонтит стоматология амалиётида кенг тарқалган касалликлардан бири бўлиб, патологик жараён фақат пародонт тўқималари билан чекланиб қолмасдан, пульпа-дентин мажмуаси ҳолатига ҳам таъсир кўрсатиши мумкин. Пародонт ва пульпа ўртасидаги анатомик ҳамда функционал боғлиқлик инфекция ва яллиғланиш омилларининг бир тўқимадан иккинчисига тарқалиши учун шароит яратади. Шу сабабли эндо-пародонтал шикастланишларда патологик жараённи эрта аниқлаш ва даволаш тактикасини тўғри танлаш муҳим клиник аҳамиятга эга. Сурункали пародонтит фонида пульпада кечадиган ўзгаришлар ҳар доим ҳам яққол клиник белгилар билан намоён бўлмайди. Чуқур пародонтал чўнтаклар, фуркация соҳасидаги ўзгаришлар ва периапикал деструкция пульпанинг функционал ҳолати билан биргаликда баҳоланиши лозим. Диссертация натижаларида пародонтал чўнтак чуқурлиги 4 мм ва ундан ортиқ бўлиши, КНКТда фуркация ёки периапикал деструкциянинг мавжудлиги ҳамда ЭОД кўрсаткичининг 20 мкАдан юқори бўлиши ретроград пульпа зарарланиши эҳтимолини баҳолашда аҳамиятли белгилар сифатида қайд этилган. Бундай ҳолатларни даволашда илдиз каналлари тизимига сифатли антисептик ишлов бериш алоҳида ўрин тутади. Шу нуқтаи назардан 0,1% ли алексидин эритмасини пассив ультратовушли фаоллаштириш билан биргаликда қўллаш ва кейинчалик каналларни кальций-силикатли биокерамик силер билан обтурация қилиш эндо-пародонтал шикастланишларни комплекс даволашнинг истиқболли йўналишларидан бири ҳисобланади. Диссертацияда мазкур комбинация асосий терапевтик компонент сифатида баҳоланган.
