JARAYONLI KALKULYATSIYA USULINING MOHIYATI VA QO'LLANILISH SOHALARI

Ushbu maqolada jarayonli kalkulyatsiya usulining iqtisodiy mazmuni, uning ishlab chiqarish xarajatlarini shakllantirish va taqsimlashdagi o‘rni hamda amaliy qo‘llanilish mexanizmlari tahlil qilinadi. Jarayonli kalkulyatsiya uzluksiz ishlab chiqarish jarayonlariga ega bo‘lgan tarmoqlarda mahsulot tannarxini bosqichma-bosqich aniqlash imkonini beruvchi muhim boshqaruv hisobi vositasi sifatida ko‘rib chiqiladi. Tadqiqotda ushbu usulning an’anaviy kalkulyatsiya yondashuvlaridan farqli jihatlari, xarajatlarni nazorat qilishdagi samaradorligi hamda qaror qabul qilish jarayoniga ta’siri yoritilgan. Shuningdek, uning sanoat korxonalari, kimyo, oziq-ovqat va qayta ishlash tarmoqlarida qo‘llanilish tajribalari umumlashtirilgan. Natijada jarayonli kalkulyatsiya usuli korxona moliyaviy barqarorligini ta’minlash va resurslardan oqilona foydalanishda muhim instrument ekanligi asoslab beriladi.