YOG'LI OVQATLANISH TA'SIRIDA ME'DAOSTI BEZIDA YUZAGA KELUVCHI GISTOPATOLOGIK O'ZGARISHLAR

Mazkur maqolada hayvon yog‘lariga boy yoki yuqori kaloriyali ovqatlanishning oshqozon osti beziga ta’siri o‘rganildi. Asosiy e’tibor bez parenximasida kechuvchi kompensator gistologik o‘zgarishlarga qaratildi. Yog‘li ovqatlar ta’sirida asinar hujayralarning sekretsion faolligi ortadi, Golji kompleksi va mitoxondriyalarning kengayishi kuzatiladi. Uzoq muddatda yog‘li dietaning davom etishi esa kompensator jarayonlarning charchashiga, distrofik va fibroz o‘zgarishlarga olib keladi. Tadqiqot yog‘li ovqatlanishning fiziologik va patologik chegarasini aniqlashda muhim ahamiyatga ega.