JISMONIY MADANIYAT VA INSONNING PSIXOLOGIK BARQARORLIGI O'RTASIDAGI BOG'LIQLIK

Mazkur maqolada jismoniy madaniyat va insonning psixologik barqarorligi o‘rtasidagi o‘zaro bog‘liqlikning nazariy hamda amaliy jihatlari tahlil qilingan. Zamonaviy jamiyatda stress, emotsional zo‘riqish, axborot yuklamasining ortishi va kamharakat turmush tarzining keng tarqalishi insonning ruhiy salomatligiga salbiy ta’sir ko‘rsatmoqda. Shu nuqtai nazardan jismoniy madaniyat nafaqat organizmning funksional imkoniyatlarini rivojlantirish, balki psixologik barqarorlikni mustahkamlash, stressga chidamlilikni oshirish, emotsional holatni me’yorlashtirish va hayot sifatini yaxshilashning samarali vositasi sifatida baholanadi. Tadqiqot davomida kompetensiyaviy yondashuv, sog‘lom turmush tarzi konsepsiyasi va zamonaviy sport pedagogikasi tamoyillari asosida jismoniy madaniyatni rivojlantirishning psixologik salomatlikni mustahkamlashdagi o‘rni baholangan. O‘zbekiston sharoitida jismoniy madaniyatni ommalashtirish, ta’lim muassasalarida jismoniy tarbiya mashg‘ulotlari sifatini oshirish va aholining jismoniy faolligini rag‘batlantirish bo‘yicha ilmiy-amaliy tavsiyalar ishlab chiqilgan.