1937–1938-YILLARDAGI SIYOSIY QATAG'ONLARNING O'ZBEKISTON ILMIY ZIYOLILARIGA TA'SIRI

Ushbu maqolada 1937–1938-yillarda sobiq Sovet Ittifoqida amalga oshirilgan ommaviy siyosiy repressiyalarning O'zbekiston ilmiy ziyolilariga ko'rsatgan ta'siri tarixiy manbalar va ilmiy adabiyotlar asosida tahlil qilinadi. Tadqiqotda qatag'on siyosatining mafkuraviy asoslari, ilmiy va ijodiy ziyolilarga qo'yilgan ayblovlarning mazmuni hamda ushbu siyosat natijasida o'zbek ilm-fani va madaniyati rivojiga yetkazilgan zarar yoritiladi. Shuningdek, Abdurauf Fitrat, Po'lat Soliyev, G'ozi Olim Yunusov kabi olimlarning ilmiy faoliyati va ularning qatag'on qurboniga aylanish sabablari tahlil qilinadi. Maqolada mustaqillik yillarida qatag'on qurbonlari xotirasini tiklash va ularning ilmiy merosini qayta o'rganish bo'yicha amalga oshirilgan ishlarning ahamiyati ham baholanadi.