5-SINF O'QUVCHILARINI QO'SHIQ KUYLASH FAOLIYATI ORQALI IJODIY QOBILIYATINI RIVOJLANTIRISH

Tadqiqot mavzusi - “5-sinf o‘quvchilarini qo‘shiq kuylash faoliyati orqali ijodiy qobiliyatini rivojlantirish”. Zamonaviy musiqiy ta’lim jarayonida maktab o‘quvchilarining ijodiy va estetik salohiyatini oshirish muhim ahamiyatga ega. Tadqiqotning maqsadi - 5-sinf o‘quvchilarida qo‘shiq kuylash mashg‘ulotlari orqali ijodiy qobiliyatni shakllantirish va rivojlantirishning samarali metodlarini aniqlashdir. Tadqiqot metodlari sifatida pedagogik kuzatuv, eksperimental mashg‘ulotlar, interfaol musiqiy o‘yinlar va o‘quvchilarning ijodiy natijalarini tahlil qilish qo‘llanildi. Eksperiment natijalari shuni ko‘rsatdiki, muntazam qo‘shiq kuylash mashg‘ulotlari, guruhiy ijodiy faoliyat va individual improvizatsiya mashg‘ulotlari o‘quvchilarning musiqiy ifoda qobiliyati va kreativ fikrlashini sezilarli darajada rivojlantiradi. Tadqiqot amaliy ahamiyati shundaki, uning natijalari maktab musiqiy ta’lim dasturlarini optimallashtirish, o‘quv jarayonida ijodiy va estetik kompetensiyalarni shakllantirish hamda pedagoglarning metodik ish faoliyatini boyitishga xizmat qiladi.