O'ZBEK VA INGLIZ TILLARIDA TOPONIMLARNING DISKURSIV QO'LLANILISHI VA KONTEKSTUAL MA'NOLARI

Mazkur maqolada o‘zbek va ingliz tillarida toponimlarning diskursiv qo‘llanilishi hamda ularning kontekstual ma’nolari qiyosiy jihatdan tahlil qilinadi. Tadqiqot davomida toponimlarning turli nutqiy vaziyatlarda qanday ma’no kasb etishi, ularning diskurs doirasida qanday semantik va pragmatik yuklama olishi o‘rganiladi. Shuningdek, toponimlarning badiiy, publitsistik va kundalik nutqda qanday stilistik va kommunikativ funksiyalarni bajarishi aniqlanadi. O‘zbek va ingliz tillari misolida toponimlar orqali madaniy kodlar, ijtimoiy munosabatlar va individual baholashning ifodalanishi tahlil qilinadi. Tadqiqot natijalari toponimlarning diskursiv tabiatini ochib berishga xizmat qiladi.