OʻZBEKISTONDAGI TA'LIM JARAYONIDA PEDAGOGIKA TA'LIM MUASSASALARI FAOLIYATI VA OʻRNI: YANGI OʻZBEKISTON TARAQQIYOT STRATEGIYASI KONTEKSTIDA

Mazkur maqola Yangi Oʻzbekistonning 2022-2026 yillarga moʻljallangan Taraqqiyot strategiyasidagi ta'lim sohasidagi ustuvor yoʻnalishlar va pedagogika ta'lim muassasalarining yurtimiz ta'lim tizimidagi asosiy oʻrni va faoliyatini kompleks tahlil qiladi. Maqolada Taraqqiyot strategiyasining ta'lim sohasiga oid eng muhim maqsadlari, pedagog kadrlar tayyorlash tizimidagi tarkibiy oʻzgarishlar, pedagogika oliy ta'lim muassasalarining soni va sifat koʻrsatkichlarining dinamikasi, amalga oshirilayotgan islohotlar va yuzaga kelayotgan dolzarb muammolar yoritilgan. Shuningdek, respublikamizda amalga oshirilayotgan “davlat – jamiyat – inson” tamoyilidan “inson – jamiyat – davlat” tamoyiliga oʻtishning pedagogik ta'lim sohasidagi ahamiyati ochib berilgan. Maqolaning asosiy qismida pedagogika oliy ta'lim muassasalarining faoliyat samaradorligini oshirish, ularni raqamlashtirish va transformatsiya qilish boʻyicha qabul qilingan qator strategik hujjatlar va amaliy choralar tahlil qilinadi. Xulosa qismida pedagogika ta'lim muassasalarining mamlakatning uzluksiz ta'lim tizimidagi strategik roli umumlashtirilgan va takliflar ishlab chiqilgan.