TANNARX HISOBI ABC (ACTIVITY BASED COSTING)

Mazkur maqolada korxonalarda xarajatlarni boshqarish va mahsulot tannarxini aniqlashning zamonaviy usullaridan biri bo‘lgan ABC (Activity-Based Costing) tannarx hisobining nazariy va amaliy jihatlari tahlil qilingan. An’anaviy tannarx hisoblash tizimlarida bilvosita xarajatlarni taqsimlashdagi cheklovlar ishlab chiqarish samaradorligini baholashda ayrim noaniqliklarni yuzaga keltirishi asoslab berilgan. Shu nuqtai nazardan, faoliyat turlariga asoslangan tannarx hisobining korxona resurslaridan foydalanish darajasini aniqroq aks ettirishi, xarajatlarning kelib chiqish omillarini chuqur tahlil qilish imkonini yaratishi hamda boshqaruv qarorlarining iqtisodiy asoslanganligini oshirishdagi ahamiyati yoritilgan. Maqolada ABC usulining ishlab chiqarish va xizmat ko‘rsatish korxonalarida qo‘llanish mexanizmi, uning tannarx shakllanishiga ta’siri hamda raqobatbardoshlikni oshirishdagi o‘rni ilmiy jihatdan bayon etilgan. Tadqiqot natijalariga ko‘ra, ABC tizimi korxonalarda ortiqcha xarajatlarni aniqlash, resurslardan oqilona foydalanish va strategik boshqaruv samaradorligini kuchaytirishda muhim vosita ekanligi aniqlangan.