SIL KASALLIGI: GLOBAL TENDENSIYALAR VA O'ZBEKISTONDAGI HOLAT TAHLILI

Ushbu maqolada sil kasalligining global tendensiyalari hamda O‘zbekistondagi epidemiologik holati tahlil qilinadi. Jahon sog‘liqni saqlash tashkiloti ma’lumotlari asosida kasallikning dunyo miqyosidagi tarqalishi, o‘lim darajasi, asosiy xavf omillari va moliyalashtirish muammolari ko‘rib chiqilgan. Shuningdek, Markaziy Osiyo kontekstida O‘zbekiston bo‘yicha kasallanish darajasi, dori ta’siriga chidamli sil (MDR/RR-TB), diagnostika va davolash samaradorligi tahlil etilgan. Tadqiqot natijalari mamlakatda sil kasalligiga qarshi kurashda ijobiy siljishlar mavjudligini ko‘rsatish bilan birga, erta aniqlash, davolash samaradorligini oshirish va xavf guruhlari bilan ishlashni kuchaytirish zarurligini ta’kidlaydi. Yakunda sil kasalligini kamaytirishga qaratilgan amaliy taklif va tavsiyalar ishlab chiqilgan.