ZAMONAVIY TA'LIMDA XORIJIY TILLARNI O'RGANISHNING AHAMIYATI

Mazkur tezisda zamonaviy ta’lim tizimida xorijiy tillarni o‘rganishning dolzarbligi yoritilgan. Unda chet tillarining ta’lim olish, kasbiy faoliyat va shaxsiy rivojlanishdagi o‘rni tahlil qilingan. Shuningdek, zamonaviy texnologiyalar va ta’lim islohotlarining xorijiy tillarni o‘rganish jarayoniga ta’siri asoslab berilgan.Tezisda xorijiy tillarning yoshlarning ta’lim olish imkoniyatlarini kengaytirishdagi o‘rni alohida tahlil qilingan. Xususan, talabalar uchun xalqaro ta’lim dasturlarida ishtirok etish, xorijiy oliy ta’lim muassasalarida tahsil olish hamda ilmiy izlanishlar olib borishda til bilishning muhimligi ko‘rsatib o‘tilgan. Shu bilan birga, xorijiy tillarning zamonaviy mehnat bozoridagi o‘rni, ishga joylashish jarayonidagi ustunliklari va kasbiy rivojlanishga ta’siri atroflicha yoritilgan. Mazkur ishda til o‘rganishning shaxsning intellektual, madaniy va ijtimoiy rivojlanishiga ko‘rsatadigan ijobiy ta’siri ham ochib berilgan. Jumladan, turli xalqlarning madaniyati va qadriyatlarini o‘rganish orqali insonning dunyoqarashi kengayishi, muloqot madaniyati va tolerantlik darajasi oshishi asoslangan.