Pedagogik ta'limda kommunikativ kompetentlikni rivojlantirish texnologiyasi

Maqolada pedagogik ta’limda kommunikativ kompetentlikni rivojlantirish texnologiyasining nazariy asoslari va amaliy mexanizmlari yoritilgan. Tadqiqotda kommunikativ kompetentlikning tarkibiy tuzilmasi, rivojlantirish bosqichlari va texnologik yondashuvlar tahlil qilingan. G.S.Trofimova, A.A.Bodalev va boshqa olimlarning ilmiy qarashlari asosida kommunikativ kompetentlikni rivojlantirish texnologiyasining uch komponentli modeli ishlab chiqilgan. Maqolada gumanistik yo‘naltirilgan ta’lim muhiti, kommunikativ o‘z-o‘zini rivojlantirish va shaxsiy-qadriyatli munosabatlar texnologiyaning asosiy shartlari sifatida asoslab berilgan. Tadqiqot natijalari pedagogik ta’limda ta’lim mazmuni, ta’limni tashkil etish jarayoni va shaxslararo muomala orqali kommunikativ kompetentlikni rivojlantirish texnologiyasini joriy etish imkoniyatlarini ko‘rsatadi. Ishlab chiqilgan texnologiya bo‘lajak pedagoglarning kasbiy muloqot ko‘nikmalarini tizimli va samarali rivojlantirishni ta’minlaydi.