ZAMONAVIY O'ZBEK ROMANCHILIGIDA TARIXIY SHAXS TALQINI (Isajon Sultonning "Alisher Navoiy" romani asosida)
收藏资源简介：
Mazkur maqolada zamonaviy o‘zbek nasrida tarixiy shaxsni badiiy talqin etish masalasi Isajon Sultonning “Alisher Navoiy” romani doirasida tadqiq qilinadi. Ishda tarixiy shaxs bilan badiiy obraz o‘rtasidagi bog‘liqlik, muallifning hujjatli haqiqat va ijodiy tasavvur o‘rtasida qanday muvozanatga erishgani, shuningdek Navoiy siymosining ruhiy olami, ijodiy kechinmalari hamda davr voqeligi bilan aloqasi ochib beriladi. Tadqiqotda qiyosiy-tipologik va struktur-semantik tahlil usullaridan foydalanilgan bo‘lib, asar qisman Oybekning “Navoiy” romani bilan solishtiriladi. Olingan xulosalarga ko‘ra, Isajon Sulton tarixiy shaxsga psixologik teranlik va falsafiy tafakkur nuqtayi nazaridan yondashib, uni o‘z davrining ma’naviy tanazzuliga qarshi turuvchi ruhiy timsolga aylantiradi.
