AYBSIZLIK PREZUMPSIYASI: JINOYAT PROTSESSIDA SHAXS HUQUQLARINING ASOSIY KAFOLATI

Mazkur maqolada aybsizlik prezumpsiyasining jinoyat protsessidagi o‘rni, uning xalqaro va milliy huquqiy asoslari, shaxs huquqlarini himoya qilishdagi ahamiyati hamda sud-tergov amaliyotidagi dolzarb jihatlari tahlil qilinadi. Aybsizlik prezumpsiyasi demokratik huquqiy davlatning asosiy tamoyillaridan biri bo‘lib, u insonning sha’ni, qadr-qimmati va erkinliklarini himoya qilishga xizmat qiladi. Maqolada O‘zbekiston Respublikasi Konstitutsiyasi, Jinoyat-protsessual kodeksi, Inson huquqlari umumjahon deklaratsiyasi, Fuqarolik va siyosiy huquqlar to‘g‘risidagi xalqaro pakt hamda Yevropa inson huquqlari konvensiyasi normalari asosida mazkur institutning huquqiy mazmuni ochib berilgan. Shuningdek, aybsizlik prezumpsiyasining sud amaliyotidagi qo‘llanishi, dalillarni baholash jarayoni, ayblovni isbotlash majburiyati va shubhalarni ayblanuvchi foydasiga talqin qilish tamoyili ilmiy jihatdan asoslangan holda yoritilgan.