HALIMA XUDOYBERDIYEVA SHE'RIYATIDA O'ZBEK MILLIY MENTALITETINI IFODALOVCHI LINGVOMADANIY BIRLIKLAR

Mazkur maqolada o'zbek xalq shoiri Halima Xudoyberdiyeva she'riyatida milliy mentalitetni ifodalovchi lingvomadaniy birliklarning semantik va lingvopoetik tahlili amalga oshiriladi. Tadqiqotda shoira asarlarida qayd etilgan milliy-madaniy konnotatsiyali so'z va iboralar, an'anaviy obrazlar hamda axloqiy-falsafiy qarashlarni aks ettiruvchi til birliklari ko'rib chiqiladi. Tahlil davomida o'zbek mentalitetiga xos vatanparvarlik, ona mehri, el birligi va milliy g'urur kabi konseptlarning lingvomadaniy ifodalanishi aniqlangan. Natijalar Xudoyberdiyeva she'riyatida lingvomadaniy birliklarning milliy o'zlikni saqlovchi muhim vosita ekanligini ko'rsatadi.