JIGAR METASTAZLARINI ANIQLASHDA KOMPYUTER TOMOGRAFIYASI VA MAGNIT-REZONANS TOMOGRAFIYANING O'RNI

Jigar metastazlari onkologik kasalliklarning eng ko‘p uchraydigan uzoq metastazlaridan biri bo‘lib, ularni erta aniqlash davolash taktikasini belgilash va bemorlarning yashovchanligini oshirishda muhim ahamiyatga ega. Zamonaviy radiologik diagnostikada kompyuter tomografiyasi (KT) va magnit-rezonans tomografiya (MRT) jigar metastazlarini aniqlashda asosiy tasviriy tekshiruv usullari hisoblanadi. Ushbu tezisda KT va MRTning diagnostik imkoniyatlari, afzalliklari hamda klinik amaliyotdagi o‘rni ilmiy adabiyotlar asosida tahlil qilindi. MRT kichik metastatik o‘choqlarni aniqlashda yuqori sezgirlikka ega bo‘lsa, KT tekshiruvning tezkorligi va keng qo‘llanilishi bilan ajralib turadi. Ushbu usullarni kompleks qo‘llash diagnostik aniqlikni oshirishga xizmat qiladi.