PUL VA BOYLIKKA OID MAQOL VA MATALLARNING LINGVOMADANIY TADQIQI

Annotatsiya. Mazkur maqolada o‘zbek va ingliz tillaridagi pul va boylikka oid maqol hamda matallarning lingvomadaniy xususiyatlari tahlil qilinadi. Tadqiqotda maqol va matallarning xalqning dunyoqarashi, qadriyatlari, iqtisodiy tafakkuri va axloqiy me’yorlarini aks ettiruvchi lingvomadaniy birlik sifatidagi o‘rni yoritilgan. Shuningdek, ikki tildagi paremiologik birliklarning semantik, konseptual va pragmatik xususiyatlari qiyosiy tahlil qilinib, ulardagi milliy va umuminsoniy qadriyatlarning ifodalanish shakllari ochib berilgan. Tadqiqot natijalari pul va boylik konseptining turli madaniyatlarda o‘xshash hamda farqli jihatlarga ega ekanligini ko‘rsatadi.