INTENSIV USULDA QO'ZIQORIN YETISHTIRISH BIOTEXNOLOGIYASI SAMARASI

So‘nggi yillarda yurtimiz iqtisodiyotining barcha sohalarida kuzatilayotgan jadal islohotlar qishloq xo‘jaligi sohasini ham chetlab o‘tgani yo‘q. Bugungi kunda agrar tarmoqda olib borilayotgan iqtisodiy islohotlar, avvalo, dehqonning moddiy manfaatdorligi va iqtisodiy erkinligini ta’minlash orqali yer, suv hamda mehnat resurslaridan foydalanish samaradorligini oshirishga xizmat qilmoqda. Mazkur o‘zgarishlar nafaqat xalq xo‘jaligining maishiy texnika, balki qishloq xo‘jaligi va boshqa tarmoqlarida ham yaqqol namoyon bo‘lmoqda. Tadqiqot davomida qo‘ziqorin yetishtirish texnologiyalarini talabalarga ilmiy-nazariy va amaliy jihatdan chuqur tushuntirish, shu bilan birga zamonaviy intensiv texnologiyalardan samarali foydalanish orqali ushbu sohaga oid ishlab chiqarish rentabelligini oshirish imkoniyatlari o‘rganildi. Jumladan, Respublikamiz sharoitida qo‘ziqorin yetishtirishning intensiv usullaridan foydalanish samaradorligi keng miqyosda tahlil qilindi.