INGLIZ TILIDAN O'ZBEK TILIGA TARJIMA QILISHDA SINTAKTIK KOMPRESSIYANING SAMARADORLIGINI OSHIRISH YO'LLARI

Ushbu maqolada ingliz tilidan o‘zbek tiliga tarjima jarayonida sintaktik kompressiya (matn hajmini ixchamlashtirish) samaradorligini oshirishning amaliy va nazariy usullari tahlil qilinadi. Tarjima amaliyotida ko‘pincha original sintaksisning “kalka” usulida ko‘chirilishi kompressiyaga to‘sqinlik qiladi. Maqolada 5 ta asosiy strategiya: morfologik siqish, ergash gaplarni sifatdosh va ravishdoshli konstruktsiyalar bilan almashtirish, pragmatik tushirish, leksik kompressiya va kontekstli optimallashtirish misollar bilan yoritilgan. Har bir strategiyaning qo‘llanish shartlari, afzalliklari va mumkin bo‘lgan cheklovlari ko‘rsatilgan. Maqola tarjimonlar, filologlar va kompyuter lingvistlari uchun mo‘ljallangan.