KOGNITIV MOSLASHUV TUSHUNCHASI: NAZARIY ASOSLAR

Mazkur maqolada kognitiv moslashuv tushunchasining nazariy asoslari har tomonlama tahlil qilinadi. Psixologiya va pedagogika fanlari doirasida bu tushunchaning shakllanishi, rivojlanish bosqichlari hamda zamonaviy ta'lim jarayonidagi ahamiyati yoritib berilgan. Muallif kognitiv moslashuvni shaxsning atrof-muhitdagi o‘zgaruvchan vaziyatlarga aqliy va emotsional moslashish qobiliyati sifatida izohlaydi. Maqolada kognitiv moslashuvga oid ilg‘or nazariyalar, jumladan, Piagening kognitiv rivojlanish nazariyasi, Vygotskiyning sosiokultural yondashuvi va zamonaviy neyropsixologik tadqiqotlar misolida bu jarayonning ilmiy asoslari ko‘rsatib berilgan. Shuningdek, maqolada kognitiv moslashuvning zamonaviy o‘quv jarayonidagi ahamiyati, raqamli texnologiyalar va axborot oqimi sharoitida shaxsning moslashuvchan fikrlashi va qaror qabul qilish malakalariga ta’siri tahlil qilinadi.