BOLALARDA IJODKORLIK VA MUSTAQIL FIKRLASHNI RIVOJLANTIRISH

Ushbu tezisda bolalarda ijodkorlik va mustaqil fikrlashni rivojlantirish masalalari yoritilgan. Ijodkorlik va mustaqil fikrlash bolaning shaxsiy rivoji, muammolarni hal etish qobiliyati hamda yangicha g‘oyalarni ilgari surishida muhim ahamiyat kasb etadi. Xalqaro ta’lim tashkilotlari, jumladan UNESCO va UNICEF tomonidan ilgari surilgan kompetensiyaviy yondashuvlarga ko‘ra, bolalarda ijodiy va tanqidiy fikrlashni rivojlantirish erta yoshdan boshlanishi lozim. Tadqiqotda o‘yin faoliyati, ijodiy mashg‘ulotlar, muammoli vaziyatlar va erkin fikr almashish muhitining bolalar tafakkuri va mustaqil qaror qabul qilish ko‘nikmalariga ta’siri tahlil etilgan. Mazkur yondashuvlar bolalarda ijodiy salohiyatni yuzaga chiqarish va kelgusidagi ta’lim jarayonida muvaffaqiyatga erishishga xizmat qiladi.