"LIFELONG LEARNING" KONSEPSIYASI ASOSIDA UZLUKSIZ TA'LIM TIZIMINI RIVOJLANTIRISHNING INNOVATSION-PEDAGOGIK MEXANIZMLARI

Annotatsiya: Mazkur maqolada lifelong learning — umrbod ta’lim konsepsiyasining mazmun-mohiyati, uning zamonaviy uzluksiz ta’lim tizimini takomillashtirishdagi pedagogik imkoniyatlari hamda shaxsning butun hayoti davomida bilim, ko‘nikma va kompetensiyalarini rivojlantirish masalalari yoritilgan. Zamonaviy jamiyatda ilm-fan, texnologiya va mehnat bozoridagi o‘zgarishlar insondan doimiy ravishda yangi bilimlarni egallash va mavjud kompetensiyalarini takomillashtirishni talab etmoqda. Shu nuqtayi nazardan, lifelong learning konsepsiyasi ta’limni faqat muayyan yosh davri yoki ta’lim muassasasi bilan chegaralab qo‘ymasdan, inson hayotining barcha bosqichlarini qamrab oluvchi uzluksiz jarayon sifatida qarashni nazarda tutadi. Maqolada uzluksiz ta’limni rivojlantirishning shaxsga yo‘naltirilgan, kompetensiyaviy, faoliyatga asoslangan, individual-ta’limiy va raqamli pedagogik yondashuvlari tahlil qilinadi.