O'ZBEK TILSHUNOSLIGIDA GENDERGA XOS TIL BIRLIKLARINI O'RGANISH TARIXI VA ASOSIY YO'NALISHLARI

Mazkur maqolada o‘zbek tilshunosligida genderga xos til birliklarini o‘rganishning tarixiy shakllanish jarayoni va asosiy ilmiy yo‘nalishlari tahlil qilinadi. Tadqiqotda gender farqlanishining lisoniy mohiyati sotsiolingvistik, etnolingvistik va pragmatik yondashuvlar asosida yoritilib, erkak va ayol nutqiga xos farqlanishlarning ijtimoiy-madaniy omillar bilan bog‘liqligi asoslab beriladi. Shuningdek, folklor va dialektologik materiallar asosida genderga xos til birliklarining tarixiy qatlamlarda shakllanganligi hamda zamonaviy nutq amaliyotida ularning transformatsiya jarayonlari tahlil qilinadi. Tadqiqot natijalari o‘zbek tilshunosligida gender masalasini kompleks va milliy asosda o‘rganishning ilmiy ahamiyatini ko‘rsatadi.