O'QITUVCHILARNING METODIK MAHORATINI RIVOJLANTIRISHDA STRUKTURLASHTIRILGAN KUZATUV MODELI VA UNING SAMARADORLIGI

O‘qituvchilarning metodik mahoratini rivojlantirish zamonaviy ta’lim tizimining strategik vazifalaridan biri hisoblanadi. Mazkur maqolada o‘qituvchilarning metodik kompetensiyasini oshirishda strukturlashtirilgan kuzatuv modelining nazariy asoslari va amaliy samaradorligi tadqiq etilgan. Strukturlashtirilgan kuzatuv modeli oldindan ishlab chiqilgan aniq mezonlar, standartlashtirilgan kuzatuv vositalari, tizimli tahlil metodlari asosida o‘qituvchi faoliyatini diagnostika qilish va rivojlantirishga yo‘naltirilgan kompleks yondashuvdir. Tadqiqotda strukturlashtirilgan kuzatuvning tarkibiy komponentlari - kuzatuv mezonlari va ko‘rsatkichlari, kuzatuv vositalari va protokollari, kuzatuv jarayonini tashkil etish metodikasi, natijalarni tahlil qilish va fikr-mulohaza berish texnologiyasi - chuqur tahlil qilingan. Maqolada bu modelning an’anaviy kuzatuv usullaridan farqlari, afzalliklari va qo‘llanilish sohalari ko‘rsatilgan. Oliy ta’lim muassasalarida o‘tkazilgan tajriba-sinov ishlari natijalari strukturlashtirilgan kuzatuv modelining o‘qituvchilarning metodik mahoratini rivojlantirishdagi yuqori samaradorligini tasdiqladi. Tadqiqot natijalari O‘zbekiston oliy ta’lim tizimida o‘qituvchilar faoliyatini monitoring qilish va ularning kasbiy rivojlanishini qo‘llab-quvvatlash tizimini takomillashtirish uchun amaliy tavsiyalar beradi.