SURUNKALI YURAK YETISHMOVCHILIGI BO'LGAN BEMORLARDA KARDIORENAL SINDROMNING KLINIK AHAMIYATI

Ushbu maqolada surunkali yurak yetishmovchiligi (SYuY) bilan og‘rigan bemorlarda kardiorenal sindrom (KRS)ning klinik ahamiyati, patogenez mexanizmlari va prognostik ta’siri tahlil qilinadi. Kardiorenal sindrom yurak va buyrak funksiyalarining o‘zaro murakkab disfunksiyasi bo‘lib, u bemorlarda kasallik og‘irligini oshiradi hamda klinik natijalarni yomonlashtiradi. Tadqiqotda gemodinamik buzilishlar, neyrogormonal faollashuv, buyrak perfuziyasining kamayishi va yallig‘lanish jarayonlari asosiy patogenetik omillar sifatida o‘rganildi. Olingan natijalar KRS SYuY bilan og‘rigan bemorlarda kasallik prognozini sezilarli darajada og‘irlashtirishini ko‘rsatadi. Shu sababli, bunday bemorlarni davolashda kardiologik va nefrologik yondashuvni uyg‘unlashtirgan kompleks strategiya muhim ahamiyat kasb etadi.