QO'SHRABOT TUMANIDA XIZMATLAR BOZORINING RIVOJLANISH HOLATI VA HUDUDIY IMKONIYATLARI

Maqolada Samarqand viloyatining chekka va tog‘li Qo‘shrabot tumanida xizmatlar bozorining holati o‘rganilgan. Muammo shundaki, tuman aholisi viloyatning 3,4 foizini tashkil etsa-da, xizmatlar hajmidagi ulushi 1,2 foizdan oshmaydi. Tadqiqotda 2024–2025-yillar rasmiy statistikasi asosida qiyosiy, tarkibiy va koeffitsiyentli tahlil qo‘llanildi. Mualliflar hududlarga taqsimlangan xizmatlar hajmiga tayangan to‘yinganlik koeffitsiyentini taklif qildi: 2025-yilda u 0,551 ga teng bo‘lib, tumanning viloyat o‘rtachasidan 44,9 foiz orqada ekanini ko‘rsatdi. Turizm, uzumchilik va tog‘ landshaftiga asoslangan salohiyat baholandi hamda 2030-yilgacha uch ssenariy ishlab chiqildi. Natijalar tuman dasturlarini asoslashda qo‘llanilishi mumkin.