O accidente do Air India 171 e a verificación dixital: o papel das redes sociais, IA e fact-checking na información xornalística

Información relevante Os arquivos publicados neste repositorio forman parte do Traballo Final de Grao (TFG) titulado "O accidente do Air India AI-171 e a verificación dixital: o papel das redes sociais, IA e fact-checking na información xornalística", presentado na Facultade de Ciencias da Comunicación da Universidade de Santiago de Compostela, elaborado por Uxía Fernández Lago e Lena Costas Moldes, baixo a titorización de Jorge Vázquez Herrero, para a obtención do Grao en Xornalismo. Descrición dos anexos O arquivo inclúe as táboas de datos utilizadas na análise cuantitativa da investigación. A mostra foi seleccionada en redes sociais mediante fórmulas con operadores booleanos nas plataformas que o permitían, e mediante procura por hashtags e etiquetas naquelas que non admitían dita opción. Todas as publicacións analizadas forman parte das primeiras 72 horas da ventá informativa tras o accidente. O arquivo está organizado en diferentes follas, correspondendo cada unha a unha rede social: YouTube, TikTok, Instagram e X (Twitter). O primeiro arquivo corresponde á análise do discurso, cuxa mostra está formada principalmente por verificacións de fact-checking procedentes das principais axencias internacionais e das axencias pertinentes da India, así como de institucións do mesmo país. Estas publicacións foron localizadas mediante procuras directas nos propios sitios web das axencias e institucións, filtrando ou buscando pola data do accidente. Os datos foron rexistrados entre o 2 de abril e o 21 de abril de 2026.