INFLUENCER MARKETINGNING O'ZBEKISTON BIZNESIDAGI STRATEGIK AHAMIYATI VA SAMARADORLIGI

Zamonaviy biznesda influencer marketing brend kommunikatsiyasining ajralmas qismiga aylangan bo'lsa-da, uning O'zbekiston biznes kontekstidagi strategik ahamiyati va samaradorligi yetarlicha o'rganilmagan. Ushbu tadqiqotning maqsadi O'zbekiston biznesida influencer marketingning ahamiyatini har tomonlama o'rganishdir. Tadqiqot Scopus, Web of Science, Google Scholar va mahalliy ilmiy jurnallar bazalaridan 2020-yildan keyin nashr etilgan 14 ta ilmiy maqolani qamrab olgan tizimli adabiyotlar tahlili metodologiyasiga asoslangan. Tahlil influencer marketingning brend imidjini shakllantirishdagi strategik rolini tasdiqladi, ta'sirchan shaxslarning ishonchliligi va autentikligi iste'molchilarning xarid niyatini kuchaytirishi aniqlandi. Mikro-influencerlar orqali yaratilgan samimiy kontent yuqori jalb qilish darajasini ta'minlaydi, homiy qilingan kontentning shaffofligi esa brendga bo'lgan ishonchni saqlashda hal qiluvchi ahamiyatga ega. Ushbu omillarni tushunish O'zbekistonda samarali influencer marketing strategiyalarini ishlab chiqish, brend imidjini yaxshilash va biznes samaradorligini oshirish uchun muhimdir.