YALPI ICHKI MAHSULOT O'SISHI VA INFLATSIYA DARAJASINING MAKROIQTISODIY BARQARORLIKKA TA'SIRI

Ushbu maqolada Yalpi Ichki Mahsulot (YIM) o‘sish sur’atlari va inflatsiya darajasining makroiqtisodiy barqarorlikka ko‘rsatadigan ta’siri tahlil qilinadi. Iqtisodiy o‘sish va narxlar darajasining o‘zgarishi mamlakatdagi umumiy iqtisodiy muvozanat, ish bilan bandlik, investitsiyalar hajmi va aholining real daromadlariga bevosita ta’sir ko‘rsatadi. Tadqiqotda YIM o‘sishi va inflyatsiya o‘rtasidagi o‘zaro bog‘liqlik, ularning ijobiy va salbiy oqibatlari hamda iqtisodiy siyosat choralarining samaradorligi yoritilgan. Shuningdek, O‘zbekiston iqtisodiyoti misolida so‘nggi yillardagi statistik ko‘rsatkichlar asosida real holat tahlil qilinadi va barqaror iqtisodiy rivojlanishga erishish yo‘llari taklif etiladi.