KK1-0110 - Hkawhkam wuloi byin mat ai lam (The king who became a buffalo)

Moi shawng de hkawhkam langai mi nga ai. Ndai maumwi na gabaw gaw myit tsaw ai hkawhkam ngu re i, dai kaw hkawhkam langai mi nga ai. Dai hkawhkam wa gaw shi gaw shi na mungdan hpe yu dat ai ten hta yawng gaw galu kaba rawt jat ai hpe sha mu ai ten hta ngai ngu ai myit i ngai galaw di na lu ai, ngai galaw da ai majaw ndai zawn re na ngai na hpyen dap ni mung i grai kaba hkra re na ngai lu madu ai ngu na shi grai myit tsaw myit htap re na shi gaw shi na shi myit tsaw taw nga ai ten hta i, karai kasang gaw shi hpe dan re hpe karai kasang gaw nra sharawng ai i. Dai re majaw ndai hkawhkam wa gaw hpabaw byin mat ai i nga yang she shi gaw masha rai nga ninglen dumsu myit rawng di na dumsu myit gale mat di na shi gaw dumsu ni zawn zawn tsing du hpe shi gaw sha ra ai, sha mayu ai myit rawng mat di na shi gaw dai shi na hkawhkam wang kaw na shi gaw dung hkum gaw mung nlu dung sai, dai na shi gaw dai tsingdu hpe 7 ning ting ting shi gaw dai shara mat ai. Dai re na dai hpang she shi dai hku re na 7ning ting shi dumsu zawn re na tsing sha ra ai ten hta hpun hta palawng ni mung shi hta nnga ai, shi yup na matu mung nta mung shi hta nlu ai, dai ten hta shi gaw myit dum ai i, har ngai hkawhkam re ai ten hta ngai grai pyaw let nga ai, ya ngai ndai zawn re na ngai ngai ngu ai myit masin a marang e ngai ndai zawn re na shagrit shanem ai ngai hkum sha ai, ndai ngai ngu ai myit gaw n kaja nga hka ngu hpe shi bai yin la ai ten hta i shi hpe bai karai kasang gaw matsan dum ai hte shi karai kasang hpe bai (tawngban) ai. Karai kasang e ngai shut sai i, myit tsaw myit htap ai ngu hpe ngai ya kaw na kau da sana. Kaja wa nan sha sha grit shanem ai hte ngai hkawm sa na nga na shi bai (tawngban) ai ten hta karai kasang gaw shi hpe bai mi na shi hkawhkam re ai, hkawhkam (aya) kaw bai shi hpe bai hkawhkam bai shatai na shi gaw mung hpe karai kasang ra sharawng ai hku up hkang mat ai ngu hpe ndai maumwi hta mu lu ai. . Language as given: Jinghpaw