TEXNOLOGIK TA'LIMDA MILLIY HUNARMANDCHILIK ELEMENTLARIDAN PEDAGOGIK VOSITA SIFATIDA FOYDALANISH

Ushbu maqolada texnologik ta’lim jarayonida milliy hunarmandchilik elementlaridan samarali pedagogik vosita sifatida foydalanish imkoniyatlari tahlil qilingan. Zamonaviy ta’lim jarayonida o‘quvchilarning amaliy ko‘nikmalarini rivojlantirish bilan birga ularni milliy madaniyat va qadriyatlarga hurmat ruhida tarbiyalash muhim vazifalardan biridir. Tadqiqotda kashtachilik, zardo‘zlik, kulolchilik, yog‘och o‘ymakorligi kabi milliy hunarmandchilik turlarini texnologiya darslariga integratsiya qilish orqali o‘quvchilarning ijodkorligi, estetik didi va mehnatga bo‘lgan qiziqishini oshirish yo‘llari ko‘rib chiqildi. Shuningdek, bu yondashuv o‘quvchilarda milliy o‘zlikni anglash, mehnatsevarlik va badiiy tafakkurni rivojlantirishga xizmat qilishi ta’kidlangan. Natijalar shuni ko‘rsatadiki, milliy hunarmandchilikdan pedagogik vosita sifatida foydalanish ta’lim sifatini oshirishda muhim ahamiyatga ega.