DEHQONOBOD TUMANI MIKROTOPONIMLARINING LINGVOSEMANTIK VA LINGVOMADANIY TAHLILI

Mazkur maqolada Dehqonobod tumani mikrotoponimlarining leksik va semantik xususiyatlari hamda ularning lingvomadaniy mohiyati tahlil qilinadi. Tadqiqot davomida mikrotoponimlarning tarkibiy qatlamlari, xususan, tabiiy-geografik, ijtimoiy-xo‘jalik, antroponimik hamda o‘zlashgan va dialektal birliklar asosida shakllanishi aniqlangan. Shuningdek, joy nomlarida metafora, metonimiya va simvolika kabi badiiy-semantik vositalarning faol qo‘llanishi ochib berilgan. Tadqiqot natijalari mikrotoponimlarning nafaqat nominativ birlik, balki milliy madaniyat, tarixiy xotira va dunyoqarashni aks ettiruvchi muhim lingvomadaniy fenomen ekanligini ko‘rsatadi. Mazkur ish hududiy onomastika va lingvosemantika yo‘nalishlarida keyingi ilmiy izlanishlar uchun nazariy asos bo‘lib xizmat qiladi.