CHIZIQLI OPTIMALLASHTIRISH MASALALARINI WOLFRAM MATHEMATICA MUHITIDA MODELLASHTIRISH VA TAHLIL QILISH

Mazkur maqolada chiziqli programmalashtirish masalalarini zamonaviy axborot texnologiyalari yordamida tahlil qilish masalasi ko‘rib chiqiladi. Xususan, Wolfram Mathematica dasturiy muhiti yordamida chiziqli optimallashtirish masalalarini yechish, ularning grafik tahlilini amalga oshirish va optimal yechimlarni aniqlash metodlari o‘rganiladi. Tadqiqot jarayonida ikki o‘zgaruvchili chiziqli programmalashtirish masalalari misol sifatida ko‘rib chiqilib, ularning Mathematica dasturi yordamida grafik ko‘rinishi hamda optimal nuqtasi aniqlanadi. Natijalar shuni ko‘rsatadiki, Wolfram Mathematica matematik modellashtirish va optimallashtirish masalalarini samarali yechishda qulay vosita hisoblanadi.