TIBBIY YO'SINDAGI MAJBURLOV CHORALARINI QO'LLASH TO'G'RISIDAGI ISHLARDA HIMOYACHI ISHTIROKI

Ushbu maqolada tibbiy yo‘sindagi majburlov choralarini qo‘llash to‘g‘risidagi ishlarda himoyachi ishtirokining huquqiy asoslari, protsessual ahamiyati va amaliy samaradorligi tahlil qilingan. Ruhiy holati buzilgan shaxslarga nisbatan qo‘llaniladigan majburlov choralarining o‘ziga xosligi, ularning inson huquqlariga ta’siri hamda sud jarayonida himoyachining roli alohida yoritilgan. Tadqiqotda himoyachining dastlabki tergovdan tortib sud muhokamasigacha bo‘lgan bosqichlardagi vakolatlari va ularning real amaliyotdagi qo‘llanilishi muhokama etilgan. Shuningdek, psixiatriya ekspertizasi xulosalarining huquqiy bahosi va ularni himoya nuqtayi nazaridan tahlil qilish zarurati asoslab berilgan. Maqolada mavjud muammolar va ularni bartaraf etish bo‘yicha ilmiy takliflar ilgari surilgan.