TRENINGLARDA O'YIN VA ROLLI O'YIN METODLARIDAN FOYDALANISH

Maqolada trening jarayonida o‘yin va rolli o‘yin metodlarining psixologik va pedagogik samaradorligi tahlil qilinadi. Tadqiqotning maqsadi trening mashg‘ulotlarida o‘yin va rolli o‘yin metodlarini qo‘llash orqali ishtirokchilarning motivatsiyasini oshirish, kommunikativ ko‘nikmalarini rivojlantirish, stressga chidamlilik va ijtimoiy moslashuvchanlikni mustahkamlash imkoniyatlarini aniqlashdan iborat. Tadqiqot nazariy tahlil va empirik eksperiment asosida o‘tkazildi. Empirik qismda guruhiy trening mashg‘ulotlarida o‘yin va rolli o‘yin metodlari tatbiq etildi, ishtirokchilarning psixologik holati, faolligi va o‘zaro muloqot qobiliyatlari kuzatildi va baholandi. Tadqiqot natijalari shuni ko‘rsatdiki, o‘yin va rolli o‘yin metodlari trening jarayonida shaxsning ijtimoiy faolligini oshirish, o‘zini anglash va boshqarish qobiliyatlarini rivojlantirish hamda stressga chidamliligini kuchaytirishda samarali vosita hisoblanadi. Natijalar pedagogika, psixologiya va trening amaliyoti sohalarida qo‘llanilishi mumkin.