ROSSIYA IMPERIYASI TOMONIDAN O'RTA OSIYONI BOSIB OLINISHI

Mazkur maqolada XIX asrda Rossiya imperiyasining O‘rta Osiyoga nisbatan olib borgan harbiy-siyosiy ekspansiyasi, uning asosiy bosqichlari va mintaqadagi davlatlarning Rossiya imperiyasi ta’sir doirasiga tushish jarayoni tahlil qilinadi. Tadqiqotda Rossiyaning dastlab Sirdaryo va Yettisuv hududlarida harbiy istehkomlar barpo etishi, Qo‘qon xonligining hududlariga kirib borishi, 1865-yilda Toshkentning egallanishi, 1867-yilda Turkiston general-gubernatorligining tashkil etilishi, 1868-yilda Buxoro amirligining mag‘lubiyati, 1873-yilda Xiva xonligining Rossiya protektoratiga aylanishi va 1876-yilda Qo‘qon xonligining tugatilishi kabi muhim tarixiy voqealar yoritiladi. Shuningdek, Rossiya imperiyasining O‘rta Osiyodagi siyosiy, strategik va iqtisodiy manfaatlari hamda o‘rnatilgan mustamlaka boshqaruv tizimining xususiyatlari tahlil qilinadi. Tadqiqot tarixiylik, xronologik, qiyosiy-tarixiy va tizimli tahlil metodlari asosida olib borilgan.