ISTIQLOL DAVRI TANQIDCHILIGINING ASOSIY TAMOYILLARI

Ushbu maqolada O‘zbekistonning istiqlol yillarida shakllangan adabiy tanqidchilikning mazmun-mohiyati, metodologik yangilanishlari va tamoyillari yoritiladi. Mustaqillik davri adabiyotida milliy o‘zlikni anglash, tarixiy haqiqatni qayta baholash hamda ijodkor shaxsining badiiy-estetik dunyosini teran talqin qilishga intilish tanqidchilikning asosiy yo‘nalishlari sifatida namoyon bo‘ladi. Maqolada tanqidchilikda ilmiylik va xolislik mezonlarining mustahkamlanishi, yangicha tahlil uslublarining paydo bo‘lishi, adabiy jarayonni yoritishda milliy va umuminsoniy qadriyatlarning uyg‘unligi hamda ijod erkinligini ta’minlovchi muhitning shakllanishi tahlil qilinadi. Istiqlol davri tanqidchiligi zamonaviy adabiyotning rivojlanish tendensiyalarini ochib berish, ijodiy maktablar o‘rtasidagi o‘zaro ta’sirni tadqiq qilish hamda badiiy fikrning yangilanishiga xizmat qiluvchi muhim ilmiy-amaliy tizim sifatida baholanadi.