MATEMATIK SAVODXONLIKNI SHAKLLANTIRISHDA KONTEKSTLI TA'LIMNING DIDAKTIK IMKONIYATLARI

Mazkur maqolada matematik savodxonlikni shakllantirish jarayonida kontekstli ta’limning didaktik imkoniyatlari ilmiy-pedagogik jihatdan tahlil qilinadi. Tadqiqotda matematik savodxonlik zamonaviy ta’limning muhim natijasi sifatida talqin etilib, uning shakllanishi bilimlarning real hayotiy vaziyatlarda qo‘llanilishi bilan bevosita bog‘liq ekani asoslab beriladi. Maqolada kontekstli ta’limning nazariy asoslari ochib berilib, uning matematika ta’limidagi metodik ahamiyati yoritiladi. Tadqiqot natijalari kontekstga asoslangan o‘qitish matematik tafakkurni rivojlantirish, o‘quvchilarning mustaqil fikrlashini faollashtirish hamda matematik modellashtirish ko‘nikmalarini shakllantirishda samarali pedagogik mexanizm ekanligini ko‘rsatadi. Olingan xulosalar matematik savodxonlikni rivojlantirishga yo‘naltirilgan zamonaviy ta’lim amaliyotini takomillashtirishda ilmiy-metodik ahamiyatga ega.