MADANIYATLARARO MULOQOTDA LISONIY ETIKET VA NUTQIY QOLIPLARNING TARJIMA TRANSFORMATSIYASI (O'ZBEK VA INGLIZ TILLARI QIYOSIDA)

Ushbu maqolada madaniyatlararo muloqot jarayonida lisoniy etiket va nutqiy qoliplarning tarjima qilinishi bilan bog‘liq lisoniy va pragmatik muammolar tahlil qilinadi. Tadqiqot obyekti sifatida o‘zbek va ingliz tillaridagi murojaat shakllari, minnatdorchilik, iltimos va tabrik kabi etik formalarning o‘ziga xos xususiyatlari olindi. Maqolada tarjimon nafaqat lisoniy birliklarni, balki har bir xalqning o‘ziga xos dunyoqarashi va ijtimoiy normalarini (madaniy kodlarini) qayta tiklashi zarurligi asoslab berilgan. Tahlillar davomida funksional muvofiqlik, pragmatik adaptatsiya va tavsifiy tarjima kabi transformatsiya usullaridan foydalanish samaradorligi misollar yordamida ko‘rsatib o‘tilgan. Tadqiqot natijalari tarjimashunoslik, lingvokulturologiya va qiyosiy tilshunoslik sohalari uchun amaliy ahamiyatga ega.