RIVOJLANGAN DAVLATLARDA SHAHAR INFRATUZILMASINING SAMARADORLIGI

Ushbu maqolada rivojlangan davlatlarda shahar infratuzilmasining shakllanishi, uning iqtisodiy va ijtimoiy rivojlanishdagi o‘rni hamda zamonaviy boshqaruv usullari tahlil qilinadi. Shuningdek, transport, kommunal xizmatlar, raqamli texnologiyalar va ekologik infratuzilmaning shahar taraqqiyotiga ta’siri yoritiladi. Rivojlangan davlatlar tajribasi asosida shahar infratuzilmasini samarali tashkil etishning asosiy yo‘nalishlari ko‘rib chiqiladi va shahar infratuzilmasiga ajratilayotgan mablag‘lar ulardagi iqtisodiy o‘sishiga qay darajada samarali ta’sir etayotganini bilish uchun tadqiqot olib boriladi. Tadqiqot “Stata” dasturi yordamida korrelyatsion tahlil o‘tkazish orqali amalga oshiriladi. Shu bilan birga O‘zbekistonda shahar infratuzilmasining holati hamda uni rivojlantirish uchun qo’llanilayotgan yo’nalishlar o‘rgailadi va shahar infratuzilmasini rivojlantirish uchun qo‘llash mumkin bo‘lgan takliflar berib o‘tiladi.