O'ZBEKISTONDA AHOLI DAROMADLARINING O'ZGARISHI VA UNING STATISTIK TAHLILI

Mazkur maqolada O‘zbekistonda aholi daromadlarining o‘zgarish dinamikasi va uning asosiy statistik ko‘rsatkichlari tahlil qilinadi. Tadqiqotda aholi umumiy daromadlarining yillar davomida o‘zgarishi, aholi jon boshiga to‘g‘ri keladigan daromadlar, daromadlarning o‘sish sur’atlari hamda ularning tarkibiy tuzilishiga alohida e’tibor qaratiladi. Statistik ma’lumotlar asosida daromadlar dinamikasidagi tendensiyalarni aniqlash, nominal va real daromadlar o‘rtasidagi farqni baholash hamda aholining iqtisodiy farovonligidagi o‘zgarishlarni yoritish nazarda tutiladi. Shuningdek, daromadlar o‘zgarishiga ta’sir etuvchi iqtisodiy omillarni statistik ko‘rsatkichlar yordamida izohlash va mavjud tendensiyalar asosida tegishli xulosalar ishlab chiqish ko‘zda tutiladi. Tadqiqot natijalari aholi daromadlarini statistik baholash va ularning o‘zgarish xususiyatlarini aniqlashda muhim ahamiyat kasb etadi.