Fleirkulturelle samfunn: retningslinjer for bibliotektenester - Eit oversyn

Dette dokumentet gjev ei oppsummering av teksten Multicultural Communities: Guidelines for Library Services, 3. utgåve, 2009. Retningslinjene fremjar rimeleg og rettvist tilgjenge til bibliotektenester i fleirkulturelle samfunn. Dei dannar grunnlaget for planlegging av bibliotektenester for alle grupper i samfunnet, og dei er kriterium som eksisterande fleirkulturelle tenester kan vurderast opp mot. Dei dannar òg eit upartisk grunnlag for innkjøp og tenestelevering, og dei oppfordrar til forståing og engasjement blant dei fleirkulturelle gruppene som er representerte i alle samfunn.