KK2-0046 - Masha kasha shut na n la yang ma sumrai daw ai lam (Fine incurred in the event of illegitimate relations with an unmarried woman) with transcription

Transcription (by Lu Awng) Moi prat hta ya mung lang nga ai anhte wunpawng sha ni htunghkring manang wa a kajan kasha shayi sha hpe kanawn mazum, nampu nampan di kai let nna pyaw shalai ai majaw n gyi shabat ai ngu ai, nla ai hpe n gyi shabat ai ngu re. Nambat 1, hka woi hpaga langai, 2 hka sa ai 2, dai kaw na she maza tsan gwi ngu ai hpaga kade raitim shadawn shadang nnga ai. Dai hpang she shingnoi langai, dai hpang e kanu hpe hpraw jaw ai ngu langai, re na ma jahtawng htu ya ai ngu ai langai. Nta kashin ya ai ngu langai, re na numwa ai lam hpaw ya ai ngu ma shalawm ra ai. Dai kaw shanhte a nta jut 4 kashin ya ai, hpaga 4 lakang lung ya ai n ba lahkyik dai hte jaw ra ai re. Ndai hpraw jaw ai ngu gaw dai ni na prat hta retim mung ja kachyi lap mi hte hpraw jaw ai re. Num wa lam hpaw ai ngu gaw gumhpraw mun 7, 8 hte tim mai ai ding re na galaw hkat ai re. Hka sa ai hka kumhpa jaw ai ngu ai prat hta gaw shata 4 ma hkum shata 4 re jang jum kumhpa langai hpe ri a tsit ma a hkyeng ma hte shata 4 rai yang 4 lang dumbat nna jaw ai re. Ndai atsit hte a hkyeng na lachyum gaw hkyeng ai a lachyum gaw shangai chyinghkai n chyoi na n myit mada ai rai wa na hpe tsun ai. Tsit ai ngu gaw myen ga hku (sain lan so pye) hkam kaja ai dai hpe moi na ga e gaw matsit maka hkyeng re wa yang gaw gara hku ngu na tsun jahtuk da ai lam re. . Language as given: Jinghpaw