SURUNKALI GAYMORIT RIVOJLANISHINING XAVF OMILLARINI ANIQLASH HAMDA PROFILAKTIKA CHORALARINI TAKOMILLASHTIRISH

Surunkali gaymorit otorinolaringologiyada keng tarqalgan kasalliklardan biri bo‘lib, yuqori jag‘ sinuslari shilliq qavatining uzoq davom etuvchi yallig‘lanishi bilan xarakterlanadi. Kasallikning rivojlanishida anatomik o‘zgarishlar, surunkali infeksiya o‘choqlari, allergik kasalliklar, immunitetning pasayishi hamda noqulay ekologik omillar muhim rol o‘ynaydi. Ushbu tezisda surunkali gaymorit rivojlanishining asosiy xavf omillari tahlil qilinib, profilaktik chora-tadbirlarni takomillashtirish masalalari yoritilgan. Kasallikni erta aniqlash va xavf omillarini bartaraf etish surunkali jarayonning rivojlanishi hamda asoratlarning oldini olishda muhim ahamiyatga ega.