O'TKIR MIOKARD INFARKTIDA ZAMONAVIY TASHXISLASH, DAVOLASH VA PROFILAKTIKA YONDASHUVLARI
收藏资源简介：
O‘tkir miokard infarkti (O‘MI) yurak mushagining qon bilan ta’minlanishi keskin buzilishi natijasida rivojlanadigan va shoshilinch tibbiy yordamni talab qiladigan og‘ir yurak-qon tomir kasalliklaridan biridir. Zamonaviy tibbiyotda O‘MI diagnostikasi klinik belgilar, elektrokardiografiya, yuqori sezgirlikka ega yurak troponinlari va instrumental tekshiruvlarning kompleks baholanishiga asoslanadi. Davolashning asosiy maqsadi miokard perfuziyasini imkon qadar tez tiklash, trombotik asoratlarni oldini olish, yurak mushagi shikastlanishini cheklash va keyingi yurak-qon tomir hodisalari xavfini kamaytirishdan iborat. Hozirgi bosqichda ST elevatsiyali miokard infarktida birlamchi perkutan koronar intervensiya (PCI), antitrombotsitar terapiya, yuqori intensivlikdagi statinlar va individual xavfga asoslangan invaziv strategiyalar muhim o‘rin tutadi. Infarktdan keyingi davrda ikkilamchi profilaktika, yurak reabilitatsiyasi, lipidlar, arterial bosim, glyukoza nazorati va turmush tarzini o‘zgartirish uzoq muddatli prognozning muhim tarkibiy qismlaridir. Ushbu maqolada O‘MI diagnostikasi, zamonaviy davolash tamoyillari va birlamchi hamda ikkilamchi profilaktikaning asosiy yo‘nalishlari tahlil qilindi.
