YAPONIYA YUMSHOQ KUCH SIYOSATINING O'ZBEKISTONDA TUTGAN O'RNI

Mazkur maqolada Yaponiya yumshoq kuch siyosatining O‘zbekistondagi ta’siri tizimli va chuqur tahlil qilinadi. Maqola xalqaro munosabatlar nazariyasidagi “yumshoq kuch” konsepsiyasiga tayangan holda, Yaponiya tashqi siyosatining asosiy instrumentlari - rasmiy rivojlanish yordami (ODA), ta’lim sohasidagi hamkorlik hamda madaniy diplomatiya orqali amalga oshirilayotgan ta’sir mexanizmlarini kompleks yondashuvda o‘rganadi. Tahlil natijalari Yaponiya O‘zbekistonda to‘g‘ridan-to‘g‘ri siyosiy bosimdan voz kechgan holda, institutsional, ta’limiy va madaniy vositalar orqali barqaror va uzoq muddatli ta’sirni shakllantirayotganini ko‘rsatadi. Shu bilan birga, uning yumshoq kuch strategiyasi mintaqadagi boshqa yirik global subyektlar bilan raqobat sharoitida ayrim cheklov va qiyinchiliklarga duch kelishi aniqlanadi.