"SINGAN QANOTLAR" ASARIDA TABIAT RAMZLARI ORQALI IFODALANGAN RUHIY HOLAT TAHLILI

Ushbu maqolada Jubron Xalil Jubronning "Singan qanotlar" (1912) qissasida qoʻllanilgan tabiat ramzlarining qahramonlar ruhiy holatini ifodalashdagi roli tahlil qilinadi. Dengiz, shamol, qushlar, gul, bogʻ, kecha-kunduz va fasllar kabi tabiat unsurlari asarda bevosita bosh qahramon va Selma obrazining ichki kechinmalari, orzu-umidlari va fojiasi bilan bogʻliq holda qoʻllanilgan. Maqolada ramzlarning semantik tahlili orqali ularning har biri qanday ruhiy holatlarni – erkinlikka intilish, muhabbat pokligi, umidsizlik va ruhiy yuksalishni – ifodalashi ochib beriladi. Jubron uslubining oʻziga xos xususiyati sifatida tabiat va inson ruhiyati oʻrtasidagi uzviy bogʻliqlik asosiy tadqiqot muammosi sifatida qaraladi.